الى متى ستبقى هكذا

كتبهامصطفى عبده ، في 5 يناير 2008 الساعة: 07:27 ص

الى متى ستبقى هكذا
اتولدت يوم السبت ابكى على حياتى الجديده وما فيها من مفاجات
وماسى واسرار
يوم الاحد كا ن عندى 6 سنوات والدى ودانى المدرسه وبرضوا بكيت
لانى بعدت عن امى ودخلت على حاجه جديده
يوم الاتنين خلصت الابتدائى ودخلت الاعداديه وكانت حاجه جديده
وبلد ابعد عنى عشان ادرس قالولى ربنا يوفقك
اما يوم الثلاثاء كنت خلصت الاعداديه ودخلت الثانويه وكنت كبرت شويه
وبدات احلم بالشباب والحياه السعيده والمستقبل
يوم الاربعاء خلصت الثانويه وقالولى كفايه كده واشتغل وشوف مستقبلك
فعلا سمعت الكلام واشتغلت فى شركه كبيره وكونت نفسى
وحاولت ارضى والدى ووالدتى واكون دايما فى طاعتهم
والدى مات وهو بيدعيلى ودى كانت ذكرى منقوشه فى عقلى
يوم الخميس بقى امى قالت لازم تتزوج وتكون اسره فعلا تزوجت
كان عندى 24 سنه ومن الخميس للجمعه حصل حاجات كتيره
امى ماتت وانا عندى اولاد فى المدارس دلوقتى وكمان عندى 39 سنه
وحياتى خط ___________________ مستقيم ماشى عليه
اوقات اتشطر يمين او شمال لكن برجع للخط بسرعه
يوم الجمعه بقى انا مت ووجدت نفسى على خشبه وناس اعرفهم
دخلوا على وخلعونى ملابسى ودى اول مره حد يشفنى عارى
غسلونى وفى قماش ابيض لفونى وعلى الاكتاف حملونى
ثم للقبر نزلونى ولوحشته تركونى
وجدت نفسى فى مكان موحش ضيق مظلم اين اهلى واين اولادى
واين مالى واين احبابى لا اجد احد يؤنسنى ويؤنس وحشتى
الهى انى كنت دائما احبك واحب رسول الله وكنت مطيع لوالدى
ومحب لكل الناس فأنر قبرىبنورك وارحمنى برحمتك
لحظات تمر نور يشع وقبرى يتسع عن صدرى ويضاء بنور الله
وارى الجنه انها قريبه منى انى ارى اشجارها الناضره ونخلها
وعنبها ونعيمها انه حلم جميل داخل القبر
الحمد لله رب العالمين الذى برحمته رحمنى وبجنته وعدنى وبحلمه
وسعنى وان شاء الله يوم القيامه سيظلنى فى ظله ولا ظل الا ظله
هكذا انا اثق فى الله ولا اظن به الا الخير رغم ذنوبى التى ادعوه ان
يغفرها لى
فيا ايها الانسان هل ستبقى هكذا عاصى تاخذك الايام والليالى
وانت تجرى وراء الدنيا وتنسى اخرتك الم ترى ما حدث لى
انقذ نفسك انا مت وانت ستموت
الى متى ستبقى هكذا